திருவள்ளூர் மாவட்டம், வெங்கத்தூர் ஊராட்சிக்கு உட்பட்ட கிராமத்தில் மணவாளநகர், ஒண்டிக்குப்பம், பட்டறை, எம்.ஜி.ஆர் நகர் உள்ளிட்ட அனைத்துப் பகுதிகளில் சேகரிக்கும் குப்பைகளை வெங்கத்தூர் கிராமத்தில் உள்ள மயானம் அருகே சேகரித்து வருவது வழக்கம். இந்நிலையில் அவ்விடத்தில் வைத்து குப்பைகளைத் தரம் பிரிக்கும் பணிக்காக இடத்தை சுத்தப்படுத்த இன்று காலை வெங்கத்தூர் ஊராட்சி சார்பில் ஜேசிபி இயந்திரம் கொண்டு வரப்பட்டது.
அப்போது குடியிருப்புப் பகுதியில் குப்பைகளைக் கொட்டவும், தரம் பிரிக்கவும் எதிர்ப்பு தெரிவித்து வெங்கத்தூர் கிராம மக்கள் 50க்கும் மேற்பட்டோர் வெங்கத்தூர்- பப்பரம்பக்கம் சாலையில் திடீர் சாலை மறியலில் ஈடுபட்டனர். இது குறித்த தகவல் அறிந்ததும் பா.ம.க-வைச் சேர்ந்த ஒன்றியக் கவுன்சிலர் வெங்கடேசன் அங்கு வந்து மக்களிடையே பேச்சுவார்த்தை நடத்தினார்.
குப்பைகளைக் கொட்ட எதிர்ப்பு - பொதுமக்கள் சாலை மறியல்