தொடர் குற்றச்சம்பவங்களில் ஈடுபட்ட 5 பேருக்கு சிறை!

திருவள்ளூர்: கும்மிடிப்பூண்டியில் தொடர் குற்றச்சம்பவங்களில் ஈடுபட்டு வந்த ஐந்து பேரை காவல் துறையினர் கைது செய்து செங்கல்பட்டு சிறையில் அடைத்தனர்.

திருவள்ளூர் மாவட்டம், கும்மிடிப்பூண்டியில் தொடர்ந்து கொலை, கொள்ளை, வழிப்பறி போன்ற குற்றச்சம்பவங்கள் நடைபெறுவதாக அப்பகுதி மக்கள் சிப்காட் காவல் நிலையத்தில் புகார் அளித்தனர். இதன் அடிப்படையில், காவல் துறையினர் தீவிரத் தேடுதல் வேட்டையில் ஈடுபட்டு வந்தனர்.

இந்நிலையில் , கும்மிடிப்பூண்டி விவேகானந்தா நகரில் உள்ள பெட்டி கடையில் பணம் கேட்டு மிரட்டுவதாக காவல் துறையினருக்குத் தகவல் கிடைத்தது. இதையடுத்து, சம்பவ இடத்திற்கு விரைந்து வந்த காவல் துறையினர் ரிஸ்க் பாஸ்கர் (30), வினோத் (25) ஆகிய இருவரையம் கைது செய்தனர்.

மேலும் இவர்களுடன் குற்றச்சம்பவங்களில் ஈடுபட்ட கார்த்திக் (28), மணிமாறன் (27), பாக்யராஜ் (26) ஆகிய மூவரையும் கைது செய்து விசாரணை மேற்கொண்டதில், இவர்கள் ஒரு வருடத்திற்கு முன்னர் கும்மிடிப்பூண்டி ரயில் நிலையத்தில் நடந்த மூவர் கொலை வழக்கில் தொடர்புடையவர்கள் என்பது தெரியவந்தது.

இது குறித்து வழக்குப்பதிவு செய்த காவல் துறையினர், அவர்களை கைது செய்து நீதிமன்றத்தில் ஆஜர்ப்படுத்தி, செங்கல்பட்டு சிறையில் அடைத்தனர்.