திருநெல்வேலி:தென்காசி மாவட்டம் பாவூர்சத்திரம் பிரதான ரயில்வே கேட் பகுதியில் பிப். 16ஆம் தேதி இரவு ரூபா(பெயர் மாற்றப்பட்டுள்ளது) என்னும் பெண் பணியில் இருந்தார். அப்போது அங்கு வந்த அடையாளம் தெரியாத நபர் இவரிடம் பாலியல் அத்துமீறலில் ஈடுபட்டுள்ளார். சுமார் 15 நிமிடம் அந்த நபருடன் போராடிய சுபா, கூச்சலிடவே பொதுமக்கள் உதவியுடன் காப்பாற்றப்பட்டார். அதன்பின் சிகிச்சைக்காக மருத்துவமனையில் அனுமதிக்கப்பட்டார். இந்த சம்பவம் குறித்து வழக்குப்பதிவு செய்த ரயில்வே போலீசார், சுபாவிடம் அத்துமீறலில் ஈடுபட்ட கேரள மாநிலம் கொல்லத்தை சேர்ந்த ஒருவரை கைது செய்தனர்.
இச்சம்பவம் தொடர்பாக பாதிக்கப்பட்ட ரயில்வே ஊழியர் ரூபாவும் மற்றும் அவரது கணவரும் இன்று (பிப்.21) செய்தியாளர்களை சந்தித்தனர். அப்போது அவரது கணவர் பேசுகையில், "பாலியல் இச்சைக்கு அணுகவிடாமல் அந்த நபரிடம் இருந்து எனது மனைவி 15 நிமிடங்கள் போராடி இருக்கிறார். என் மனைவியின் துணிச்சலான போராட்டத்தால் ஆத்திரம் அடைந்த அந்த நபர், கொலை செய்ய முயன்றுள்ளார். இதையடுத்து கூச்சல் கேட்டுவந்த பொதுமக்கள் அவரை மீட்டுள்ளனர்.