தேனியில் இடியுடன் கூடிய கோடை மழை.!

தேனி: பெரியகுளம், வடுகப்பட்டி, என்டப்புளி உள்ளிட்ட பகுதிகளில் இடி, மின்னல் மற்றும் பலத்த காற்றுடன் கூடிய மழை பெய்ததால் மக்கள் மகிழ்ச்சி அடைந்தனர்.

அக்னி நட்சத்திரத்தால் தமிழ்நாட்டின் அனைத்து மாவட்டங்களிலும் வெப்பம் வாட்டி வதைத்து கொண்டிருக்கிறது. இருப்பினும் ஆங்காங்கே மழையும் பெய்துவருகிறது.

அதன்படி, நேற்று தேனி மாவட்டம் பெரியகுளம், வடுகபட்டி, என்டப்புளி, காமாட்சிபுரம், சோத்துப்பாறை உள்ளிட்ட இடங்களில் இரவில் இடி மின்னல் மற்றும் பலத்த காற்றுடன் கூடிய மழை சுமார் ஒரு மணிநேரமாக பெய்தததால். அப்பகுதிகளில் வெப்பம் சற்றுத் தணிந்தது. இதனால் பொதுமக்கள், விவசாயிகள் மகிழ்ச்சி அடைந்தனர்.