தேனி மருத்துவக் கல்லூரி செவிலி மாணவி தற்கொலை

தேனி: ஆண்டிபட்டி அருகே அரசு மருத்துவக் கல்லூரி செவிலி மாணவி விடுதியில் தூக்கிட்டு தற்கொலை செய்துகொண்ட சம்பவம் சோகத்தை ஏற்படுத்தியுள்ளது.

மதுரை மாவட்டம் உசிலம்பட்டி பகுதியை சேர்ந்த திவ்யா (20) தேனி மாவட்டம் ஆண்டிபட்டி அருகே க.விலக்கில் அமைந்துள்ள அரசு செவிலியர் கல்லூரியில் இரண்டாம் ஆண்டு நர்சிங் படித்து வருகிறார். இந்நிலையில் நேற்று காலையில் விடுதியில் மாணவி நீண்ட நேரமாகியும் அறையை திறக்கவில்லை.

இதனால் சந்தேகமடைந்த சக மாணவிகள் அறைக்கதவை தட்டிப்பார்த்தனர். அப்போதும் திறக்காததால், விடுதி காப்பாளரிடம் தெரிவித்துள்ளனர். விடுதி காப்பாளர் கல்லூரி நிர்வாகம், காவல் துறையினருக்கு தகவல் தெரிவித்தார். சம்பவ இடத்திற்கு வந்த காவல் துறையினர் கதவை உடைத்து பார்க்கையில் மாணவி திவ்யா மின்விசிறியில் தூக்கிட்டு இறந்த நிலையில் கிடந்துள்ளார்.

பின்னர் சடலத்தை கைப்பற்றிய காவல் துறையினர் உடற்கூறாய்விற்காக அரசு மருத்துவக்கல்லூரி மருத்துவமனைக்கு அனுப்பி வைத்தனர். மேலும் இது குறித்து வழக்குப்பதிவு செய்த க.விலக்கு காவல் துறையினர் மாணவியின் மரணம் குறித்து விசாரணை நடத்திவருகின்றனர்.

இதையும் படிங்க:விவசாயி கொலை வழக்கில் குற்றவாளிக்கு ஆயுள் தண்டனை