தேனியில் விவசாய தளவாட பொருட்கள் விற்பனை செய்யும் கடையில் ஏற்பட்ட தீ விபத்தில், சுமார் ரூ.35 லட்சம் மதிப்பிலான பொருட்கள் சேதமடைந்துள்ளது
தேனி:கம்பம் அருகே உள்ள காமயகவுண்டன்பட்டியில், மகேந்திரன் என்பவர் விவசாயத்திற்கு தேவையான தளவாடப் பொருட்கள் மற்றும் வீடுகளுக்கு தேவையான எலக்ட்ரிக் பொருட்கள் விற்பனை செய்யும் கடையை நடத்தி வருகிறார். இந்த நிலையில் நேற்று இரவு (ஜன.20) வழக்கம்போல் தனது கடையை அடைத்து விட்டு வீட்டுக்குச் சென்றுள்ளார்.
இதனையடுத்து எதிர்பாராத விதமாக கடையில் தீ கொழுந்து விட்டு எரியத் தொடங்கி உள்ளது. இதனைக் கண்ட பொதுமக்கள், கடை உரிமையாளரான மகேந்திரனுக்கும், காவல் துறையினர் மற்றும் தீயணைப்புத் துறையினருக்கும் தகவல் அளித்துள்ளனர். தொடர்ந்து சம்பவ இடத்திற்கு விரைந்து வந்த கம்பம் தீயணைப்புத் துறையினர் தீயை அணைக்கும் முயற்சியில் ஈடுபட்டனர்.