வனப்பகுதியில் பற்றி எரியும் காட்டுத் தீ - அரியவகை மூலிகைசெடிகள் எரிந்து நாசம்!

தேனி: தைலாரம்மன் மலைக்கோவில் வனப்பகுதியில் பற்றி எரியும் காட்டுத் தீயால் அரியவகை மரங்கள், மூலிகைசெடிகள் எரிந்து நாசமாகின.

தேனி மாவட்டம் பெரியகுளம் அருகே உள்ளது தைலாரம்மன் மலைக்கோவில். இந்த கோவிலைச் சுற்றி அரியவகை மரங்கள்,செடிகள் நிறைந்து காணப்படுகின்றன. இந்நிலையில் வனப்பகுதிகளில் காட்டுத் தீ பற்றி எரிந்து வருகிறது.

தொடர்ந்து தீ கொழுந்துவிட்டு எரிவதால் இந்த வனப்பகுதியில் சுமார் 50க்கும் மேற்பட்ட ஏக்கரில் உள்ள அரியவகை மூலிகை செடிகள், மரங்கள் எரிந்து நாசம் அடைந்து வருகின்றன.

எனவே இயற்கை வளங்களை பாதுகாக்க காட்டுத்தீயை உடனடியாக அனைத்து மேலும் பரவாமல் தடுத்து வனத்தையும், வன விலங்குகளையும் பாதுகாக்க வேண்டும் என்று வன ஆர்வலர்கள் கோரிக்கை விடுத்துள்ளனர்.

இதையும் படிங்க: திருமண நிச்சய விழாவில் திருடிய நபருக்கு போலீஸ் வலைவீச்சு!