ஜெயலலிதா இருந்திருந்தால் சீட் வாங்கியிருக்க முடியுமா? பன்னீருக்கு ஸ்டாலின் கேள்வி

தேனி: ஜெயலலிதா உயிருடன் இருந்திருந்தால் ஓ.பன்னீர்செல்வத்தால் தனது மகனுக்கு சீட் வாங்கியிருக்க முடியுமா? என திமுக தலைவர் மு.க.ஸ்டாலின் கேள்வி எழுப்பியிருக்கிறார்.

மக்களவைத் தேர்தல் மற்றும் சட்டப்பேரவை இடைத்தேர்தல் நடைபெற இன்னும் சில வாரங்களே இருப்பதால் அரசியல் கட்சித்தலைவர்கள் தீவிர பரப்புரையில் ஈடுபட்டு வருகின்றனர். அந்தவகையில் திமுக தலைவர் மு.க.ஸ்டாலின் தேனி மக்களவைத் தொகுதியில்போட்டியிடும் காங்கிரஸ் வேட்பாளர் ஈவிகேஎஸ் இளங்கோவனையும், பெரியகுளம் சட்டப்பேரவை வேட்பாளர் சரவணக்குமாரையும் ஆதரித்து பரப்புரை மேற்கொண்டார்.

அப்போதுபேசிய அவர், “ஓபிஎஸ் மகன் என்பதை தவிர ரவீந்திரநாத்துக்கு வேறு ஏதேனும் தகுதிகள் உள்ளதா? ஜெயலலிதா உயிருடன் இருந்திருந்தால் தனது மகனுக்கு ஓபிஎஸ்-ஆல் சீட் வாங்கியிருக்க முடியுமா? திமுக விரும்புகின்றபடி ராகுல்காந்தி பிரதமர் ஆவது உறுதி. ராகுல்காந்தி பிரதமர் ஆனதும் நமது கோரிக்கைகளை நிறைவேற்றித் தருவார்” எனபல்வேறு விஷயங்களைப் பேசினார்.