தேனி மாவட்டம் போடி ஒன்றியத்திற்கு உட்பட்ட டொம்புச்சேரி ஊராட்சி மன்றத்தலைவர் பதவிக்கு சுஜா சிதம்பரம் என்ற பெண் போட்டியிடுகின்றார். இவருக்கு தேர்தல் ஆணையம் சார்பாக கத்திரிக்காய் சின்னம் ஒதுக்கப்பட்டுள்ளது. சுஜா சிதம்பரம் டொம்புச்சேரி மக்களிடையே கையில் கத்திரிக்காய் வைத்துக்கொண்டு வினோதமான முறையில் பரப்புரை மேற்கொண்டு வருகிறார்.
இவர் மேற்கொள்ளும் பரப்புரை அப்பகுதி மக்களிடையே மிகுந்த வரவேற்பு ஏற்படுத்தியுள்ளது. கிராமப்புற மக்களிடையே ஊரக உள்ளாட்சி தேர்தல் சின்னங்கள் பற்றிய குழப்பங்கள் நிலவி வரும் நிலையில், சுஜா சிதம்பரம் மக்கள் மனதில் தனது கத்தரிக்காய் சின்னத்தை பதிய வைக்கும் வகையில் வினோதமான முறையில் கையில் கத்திரிக்காய் வைத்துக்கொண்டு வீடு வீடாகவும், கடைகள் தோறும் சென்று பிரசாரத்தில் ஈடுபடுவது மட்டுமல்லாமல் அவரின் ஆதரவாளர்களுக்கும் கையில் கத்திரிக்காயை கொடுத்து உடன் அழைத்து வருகிறார்.