தேனி மாவட்டம் வருசநாடு வனச்சரகத்திற்குட்பட்ட மஞ்சனூத்து தெற்கு பீட் பகுதியில், வனச்சரகர் இக்பால் தலைமையிலான வனத் துறையினர் நேற்று ரோந்துப் பணியில் ஈடுபட்டிருந்தனர்.
அப்போது சந்தேகப்படும் வகையில் மூன்று பேர் வனப்பகுதிக்குள் சுற்றித்திருந்தனர். அவர்களைப் பிடித்து விசாரணை மேற்கொண்டதில் அவர்கள் திருப்பூரை சேர்ந்த திருப்பதி, தேனி அரண்மனைப்புதூரைச் சேர்ந்த பாண்டியராஜன், வருசநாட்டைச் சேர்ந்த சுரேஸ் என்பது தெரியவந்தது.
மேலும் அவர்கள் வனவிலங்குகளை வேட்டையாடுவதற்காக கையில் பயங்கர ஆயுதங்களுடன் வனப்பகுதிக்குள் சுற்றித்திரிந்ததும் தெரியவந்தது.