நீலகிரி:நீலகிரி மாவட்டத்தில் உதகை, கோத்தகிரி உள்ளிட்ட சுற்றுவட்டாரப் பகுதிகளில் சில நாள்களாக வன விலங்குகளின் நடமாட்டம் அதிகரித்துள்ளது.
மேலும் இரவு நேரங்களில் குடியிருப்புப் பகுதிகளில் உலா வருவதும், அங்குள்ள தொட்டிகளில் உள்ள நீரை அருந்திச் செல்வது, விளை நிலங்களில் புகுந்து சேதப்படுத்துவதும் உள்ளிட்ட செயல்களால், அப்பகுதிகளில் வசிக்கும் மக்கள் அச்சத்துடன் இருந்து வருகின்றனர்.
மரத்தின் மீது பேரிக்காய் உண்ணும் கரடியை துரத்தும் முயற்சியில் காட்டெருமை
இந்நிலையில் கோத்தகிரி சுற்றுவட்டாரப் பகுதியில், சில மாதங்களாக கரடிகள் நடமாட்டம் அதிகமாகக் காணப்படுகிறது. அவைகள் கூட்டத்துடனும், மக்கள் வசிக்கும் பகுதிகளிலும் அதிகம் காணப்படுகிறது.