நீலகிரி மாவட்டம்குன்னூரில் உள்ள நீர்ப்பிடிப்பு பகுதிகளில் கடந்த ஒரு மாத காலமாக அவ்வப்போது மழை பெய்து வருகிறது. இதன் காரணமாக ரேலியா அணையில் நீர்மட்டம் உயர்ந்துள்ளதால் கோடை சீசனில் குடிநீர் தட்டுபாடு ஏற்படாது என்று நகராட்சி அதிகாரிகள் தெரிவித்துள்ளனர்.
குன்னூரில் பெய்த மழை காரணமாக முழு கொள்ளளவை நெருங்கும் ரேலியா அணை!!
தமிழ்நாட்டில் பிரபலமான சுற்றுலாத் தலங்களில் ஒன்றான குன்னூரில் வரும் மே மாதத்தில் நடைபெறும் கோடை விழாக்களின் போது லட்சக்கணக்கான சுற்றுலாப் பயணிகள் வருகை தருவர். இங்குள்ள சுற்றுலாத் தலங்களை சுற்று பார்த்து விட்டு செல்வர். இவர்களின் குடிநீர் தேவையை பூர்த்தி செய்யவும், உள்ளுர் மக்களின் குடிநீர் தேவையை சமாளிக்கவும் ரேலியா அணை முக்கிய பங்கு வகிக்கிறது.