சாலை விபத்து: வெளிமாநில பணியாளர்கள் படுகாயம்!

நீலகிரி: சூட்கேஸ் தயாரிக்கும் நிறுவனத்தில் பணியாற்றிவரும் வெளிமாநிலத்தைச் சேர்ந்தவர்கள் பயணம் செய்த வாகனம் விபத்துக்குள்ளாகி 11 பேர் படுகாயமடைந்தனர்.

கோவை ராஜ வீதியில் பிரபல லக்கேஜ் சூட்கேஸ் தயாரிக்கும் நிறுவனம் உள்ளது. இந்த நிறுவனத்தில் வேலை செய்யும் உத்தரப்பிரதேசத்தைச் சேர்ந்த பணியாளர்கள் சுமார் 20 பேர், ஊட்டிக்கு சுற்றுலா சென்றுள்ளனர். பயணத்தை முடித்துவிட்டு திரும்பியபோது, குன்னூர்-மேட்டுப்பாளையம் தேசிய நெடுஞ்சாலை அருகே அவர்கள் சென்ற வாகனம் விபத்துக்குள்ளானது.

இந்த விபத்தில் 11 பேர் படுகாயம் அடைந்து குன்னூர் அரசு மருத்துவமனையில் தீவிர சிகிச்சை பெற்று வருகின்றனர்.