லாரி - இருசக்கர வாகனம் மோதிக்கொண்ட விபத்தில் இருவர் உயிரிழப்பு!

தஞ்சாவூர்: திருவையாறு அருகே இருசக்கர வாகனமும் லாரியும் நேருக்கு நேர் மோதிக்கொண்ட விபத்தில் இருவர் உயிரிழந்த சம்பவம் அப்பகுதியில் பெரும் சோகத்தை ஏற்படுத்தியுள்ளது.

தஞ்சை மாவட்டம் திருவையாறு அடுத்துள்ள பட்டுக்குடி கிராமத்தைச் சேர்ந்தவர் முருகானந்தம் (38). அதே ஊரைச் சேர்ந்த இவரது நண்பர் குணசேகரன் (35). இவர்கள் இருவரும் இன்று (நவ. 20) திருவையாறு அருகேயுள்ள சிறுபுலியூர் கிராமத்தில் துக்க நிகழ்ச்சிகாக சென்றுள்ளனர்.

அப்போது அவர்கள் நடுக்கடை சாலையில் வந்துகொண்டிருந்தபோது எதிரே வந்த டிப்பர் லாரியின் மீது எதிர்பாராத விதமாக மோதியுள்ளனர். இந்த விபத்தில் படுகாயமடைந்த முருகானந்தம், குணசேகரன் இருவரும் சம்பவ இடத்திலேயே உயிரிழந்தனர்.

பின்னர் தகவலறிந்து சம்பவ இடத்திற்கு வந்த காவல் துறையினர் உயிரிழந்தவர்களின் உடலைக் கைப்பற்றி உடற்கூராய்வுக்காக திருவையாறு அரசு மருத்துவமனைக்கு அனுப்பிவைத்தனர். மேலும் இதுகுறித்து வழக்குப்பதிவு செய்து விசாரணை நடத்திவருகின்றனர்.

இதையும் படிங்க:காதல் ஆசை காட்டி பெண்களை ஏமாற்றிய இளைஞர் கைது!