தென்காசி மாவட்டத்தில், தமிழ்நாடு-கேரள எல்லைப்பகுதியான புளியரை சோதனைச் சாவடி வழியாக தமிழ்நாடு, கேரளாவைச் சேர்ந்த பலர் வணிக நோக்கத்திற்காக வந்து செல்லுவது வழக்கம். தற்போது மாவட்டத்தில் தேர்தல் விதிமுறைகள் அமலில் உள்ள நிலையில், பறக்கும் படையினர் இப்பகுதிகளில் தீவிர வாகன சோதனையில் ஈடுபட்டு வருகின்றனர்.
செங்கோட்டை வட்டாட்சியர்
இந்நிலையில் கடையநல்லூர் வட்டார வளர்ச்சி அலுவர் சிக்கந்தர் பீவி தலைமையிலான பறக்கும் படை குழுவினர், தமிழ்நாடு- கேரள எல்லையான கோட்டைவாசலில் சோதனை மேற்கொண்டனர். அப்போது, அப்பகுதி வழியாக வந்த மினி ஆட்டோவை நிறுத்தி சோதனை செய்தபோது, அதில் பயணித்த ஜோஸ்வா, ஜெய்மான் ஆகியோரிடமிருந்து உரிய ஆவணமின்றி எடுத்து வரப்பட்டதாகக் கூறி ரூ.4 லட்சத்து, 57 ஆயிரத்து, 500 ரூபாயை பறிமுதல்செய்தனர்.
இந்தப் பணம் செங்கோட்டை வட்டாட்சியரிடம் ஒப்படைக்கப்பட்டது.