திருமாவளவனை கண்டித்து பாஜக ஆர்ப்பாட்டம்: 200க்கும் மேற்பட்ட பெண்கள் கைது!

தென்காசி: விடுதலைச் சிறுத்தைகள் கட்சியின் தலைவர் திருமாவளவனை கண்டித்து ஆர்ப்பாட்டத்தில் ஈடுபட்ட பாஜக மகளிர் அணியைச் சேர்ந்த 200க்கும் மேற்பட்ட பெண்களை காவல் துறையினர் கைது செய்தனர்.

விடுதலைச் சிறுத்தைகள் கட்சியின் தலைவர் தொல்.திருமாவளவன் பெண்கள் குறித்தும், இந்து மதம் குறித்தும் சமீபத்தில் சர்ச்சைக்குரிய வகையில் அவதூறாக பேசியதாக அவருக்கு எதிராக பாஜகவினர் ஆர்ப்பாட்டம் நடத்திவருகின்றனர்.

அதன் ஒரு பகுதியாக தென்காசி மாவட்டம் புதிய பேருந்து நிலையம் முன்பு பாரதிய ஜனதா கட்சியின் மகளிர் அணி சார்பில் இன்று (அக்.27) ஆர்ப்பாட்டம் நடைபெற்றது.

இந்த ஆர்ப்பாட்டத்தின்போது விடுதலைச் சிறுத்தைகள் கட்சியின் தலைவர் திருமாவளவனை கண்டித்தும், அவரை உடனடியாக கைது செய்ய வலியுறுத்தியும் கோஷங்கள் எழுப்பப்பட்டன.

இதனைத் தொடர்ந்து தடையை மீறி ஆர்ப்பாட்டத்தில் ஈடுபட்டதன் காரணமாக 200க்கும் மேற்பட்டோரை காவல் துறையினர் கைது செய்தனர்.