தமிழ்நாடு முதலமைச்சர் எடப்பாடி பழனிசாமி மாவட்டங்களில் நடைபெறும் கரோனா தடுப்புப் பணிகளை ஆய்வுசெய்வதற்காக நாளை சேலம்வருகிறார். சென்னையிலிருந்து கார் மூலம் புறப்பட்டு நாளை மாலை சேலம் வரும் அவர், நெடுஞ்சாலை நகரிலுள்ள தனது இல்லத்தில் தங்கவுள்ளார்.
பின்னர் ஜூன் 25ஆம் தேதி கார் மூலம் கோவை செல்கிறார். அங்கு கரோனா முன்னெச்சரிக்கை நடவடிக்கைகள் குறித்து அரசு அலுவலர்களுடன் முதலமைச்சர் ஆலோசனை நடத்துகிறார். ஆலோசனைக் கூட்டத்தை முடித்துவிட்டு மீண்டும் சேலம் திரும்பும் அவர், ஜூன் 26ஆம் தேதி திருச்சி செல்கிறார்.