சேலம் அருகே குடிநீர் இன்றி அவதிப்படும் மலைவாழ் மக்கள்!
சேலம்:அயோத்தியாபட்டினம் அடுத்த பெருமாள்பாளையம் ஊராட்சி பகுதியில் 300-க்கும் மேற்பட்ட மலைவாழ் மக்கள் குடும்பத்தினரும் மற்றும் 800-க்கும் மேற்பட்ட பொதுமக்களும் வாழ்ந்து வருகின்றனர். இங்கு வசிக்கும் மக்கள் பெரும்பாலானோர் கூலித்தொழிலாளர்கள் ஆவார்.
இந்த நிலையில் இவர்களின் குடிநீர் தேவைக்காக வனத்துறை சார்பில் அந்தப் பகுதியில் மேல்நிலை நீர்தேக்க தொட்டி ரூ.12 லட்சம் செலவில் கட்டி முடிக்கப்பட்டது. தற்பொழுது இரண்டு ஆண்டுகளை நெருங்கும் நிலையிலும் இந்த மேல்நிலை நீர்தேக்கத் தொட்டி பொதுமக்களின் பயன்பாட்டிற்கு வராமல் உள்ளது. மேலும் நீர்தேக்க தொட்டியிலிருந்து சிறிய அளவிலான குடிநீர் குழாய் பொருத்தப்பட்டுள்ளது.