ஜோலார் பேட்டையிலிருந்து புதன்கிழமையன்று சேலத்திற்கு பயணிகள் ரயில் வந்தது. இந்த ரயில் சேலம் அருகே உள்ள பொம்மிடி அருகே வந்தபோது ரயில் பெட்டியில் உள்ள இருக்கைக்கு அடியில் மூன்று வயதான பெண் குழந்தை ஒன்று சடலமாக கிடந்ததை பார்த்து பயணிகள் அதிர்ச்சி அடைந்தனர்.
பின்னர் பொதுமக்கள் பெண் குழந்தை சடலம் கிடப்பது குறித்து ஜங்ஷன் ரயில்வே காவல் துறையினருக்கு தகவல் தெரிவித்தனர். இதனையடுத்து அங்கு வந்த காவல் துறையினர் ரயிலில் சடலமாக கிடந்த பெண் குழந்தையை மீட்டு சேலம் அரசு தலைமை மருத்துவமனைக்கு உடற்கூறாய்வுக்காக அனுப்பிவைத்தனர். மேலும், பெண் குழந்தையின் சடலத்தை விட்டுச்சென்றது யார் என்பது குறித்து காவல் துறையினர் விசாரணை செய்துவருகின்றனர்.