தமிழ்நாடு முதலமைச்சர் எடப்பாடிபழனிசாமி, சென்னையில் இருந்து விமானம் மூலம் புதன்கிழமை மாலை 5.30 மணிக்கு கோவை வருகிறார். பின்னர் அங்கிருந்து கார் மூலம் புறப்பட்டு சேலம், நெடுஞ்சாலை நகர் இல்லம் செல்கிறார். அங்கு அவருக்கு அதிமுக சேலம் மாநகர மாவட்ட செயலாளர் ஜி.வெங்கடாச்சலம் எம்.எல்.ஏ தலைமையில் கட்சியினர் வரவேற்பு அளிக்கின்றனர்.
பின்னர், வியாழக்கிழமை காலை 9 மணி அளவில், பெரியசோரகையில் உள்ள சென்றாயன் பெருமாள் கோயில் கும்பாபிஷேக விழாவில் பங்கேற்கும் அவர், பின்னர் அங்கிருந்து புறப்பட்டு வனவாசி பாலிடெக்னிக் கல்லூரி சென்று, அரசு நிகழ்ச்சியில் பங்கேற்று நலத்திட்ட உதவிகளை வழங்கி பேசுகிறார்.