தேசிய நெடுஞ்சாலையில் பற்றி எரிந்த கார் -ஓட்டம் பிடித்த பயணிகள்

சேலம் -பெங்களூரு தேசிய நெடுஞ்சாலையில் சென்ற கார் ஒன்று திடீரென தீப்பற்றி எரிந்து சேதமடைந்த சம்பவம் அப்பகுதியில் பரபரப்பை ஏற்படுத்தியது.

சேலம் மாவட்டம் ஓமலூர் அருகே உள்ள சேலம் - பெங்களூரு தேசிய நெடுஞ்சாலையில், சேலத்திலிருந்து தருமபுரி நோக்கி சென்ற டாட்டா இண்டிகா கார் திடீரென தீப்பிடித்தது. அப்போது, அதில் பயணித்த கார் ஓட்டுநர் மற்றும் உறவினர்கள் கார் தீப்பற்றி எரிவதைக் கண்டதும் காரை நிறுத்திவிட்டு ஓடினர். இதனால் காரில் பயணித்தவர்கள் அனைவரும் அதிர்ஷ்டவசமாக உயிர் தப்பினர்.

காரின் முன்பகுதியில் பற்றிய தீயானது மளமளவென பரவி கார் முழுவதும் தீயில எரிந்து சேதமடைந்தது. இதனையடுத்து தகவலறிந்து சம்பவ இடத்திற்கு வந்த தொப்பூர் காவல் துறையினர் கார் எரிந்த சம்பவம் குறித்து வழக்குப்பதிவு செய்து விசாரணை மேற்கொண்டு வருகின்றனர்.