"பில் குடு; இல்ல கடைய மூடு" மதுப்பிரியரின் வைரல் வீடியோ!
ராணிப்பேட்டை: கலவை அருகே உள்ள மேல்புதுப்பாக்கம் பகுதியில் அரசு மதுபான கடை செயல்பட்டு வருகிறது. இதில் சேல்ஸ்மேனாக தேவேந்திரன் என்பவர் பணியாற்று வருகிறார். இந்நிலையில் மாம்பாக்கம் பகுதியைச் சேர்ந்த மதுப்பிரியர்கள் மதுக்கடையில் ரூ.130 குவார்ட்டர் வாங்கிய போது ரூ.140-க்கு விற்பனை செய்துள்ளார். அவ்வாறு விற்பனை செய்த சேல்ஸ்மேனுடன் மது பிரியர்கள் வாக்குவாதத்தில் ஈடுபட்டனர்.
சில நாட்களுக்கு முன்பு 5 ரூபாய் எடுத்தீங்க! இப்போ 10 ரூபாய் எடுத்த எப்படினூ கேட்டும், கடைய மூடச் சொல்லி வாக்குவாதம் முற்றியது. அதற்குப் பின் சேல்ஸ்மேன் நாங்க மட்டுமா விக்கிறோம். தமிழ்நாடு முழுவதும் தான் விக்கிறாங்க, அதனால எங்க வேண்டுமானாலும் கம்ப்ளைண்ட் பண்ணுனு சொல்ல அதற்கு வாடிக்கையாளர் பில் கேட்டு கொந்தளித்துள்ளார்.