சுடு தண்ணீர் கூட கொடுப்பதில்லை; கரோனா பாதித்தவர்கள் சரமாரி குற்றச்சாட்டு

ராமநாதபுரம்: அரசு தலைமை மருத்துவமனையில் உள்ள கரோனா வைரஸ் தொற்று பாதித்தவர்களுக்கான வார்டில் அடிப்படை வசதிகள் இல்லை என்று தொற்றால் பாத்திக்கப்பட்டோர் குற்றஞ்சாட்டியுள்ளனர்.

ராமநாதபுரம் அரசு தலைமை மருத்துவமனையில் கரோனா நோயாளிகள் அனுமதிக்கப்பட்டுள்ள தனிமைப்படுத்தப்பட்ட வார்டுகளில் தங்கி சிகிச்சை பெற்று வரும் நோயாளிகளுக்கு அடிப்படை வசதிகள் எதுவும் செய்து தரப்படவில்லை என்றும், குடிப்பதற்கு தண்ணீர், உணவு போன்றவை கூட சரிவர வழங்கப்படுவதில்லை எனவும் கரோனா வைரஸ் தொற்றால் பாதிக்கப்பட்டவர்கள் குற்றஞ்சாட்டுகின்றனர்.

ஒரே முகக்கவசத்தை இரண்டு, மூன்று நாள்களுக்கு பயன்படுத்துவதாகவும், தனிமைப்படுத்தப்பட்டு கரோனா வார்டுகளில் தங்கியுள்ள நோயாளிகள் அவர்களது வார்டுகளை விட்டு வெளியே வந்து போராட்டத்தில் ஈடுபட்டனர்.

அதுமட்டுமின்றி, தொண்டை வலியால் அவதிப்படும் தனக்கு சுடு தண்ணீர் கூட தரப்படுவதில்லை என்று கூறி கரோனா நோயாளி ஒருவர் தரையில் விழுந்து கதறி அழுத சம்பவமும் ராமநாதபுரம் அரசு மருத்துவமனையில் அரங்கேறியுள்ளது. இதற்கு மாவட்ட நிர்வாகம் உடனடி நடவடிக்கை எடுக்க வேண்டும் என அனைத்து தரப்பு மக்களும் கோரிக்கை வைக்கின்றனர்.

இதையும் படிங்க...கரோனா காலத்தில் சூரிய கிரகணம் எப்படி இருக்கும்?