’தமிழ்நாட்டின் காசி’ என்றழைக்கப்படும் ராமேஸ்வரம், வரலாற்று சிறப்புமிக்க இடமாகவும் சுற்றுலாத்தலமாகவும் மக்களுக்கான வழிபாட்டுத் தலமாகவும் விளங்கி வருகிறது.
ராமநாதபுரம் மாவட்டத்தில் அமைந்துள்ள ராமேஸ்வரத்திலுள்ள ராமநாதசுவாமி திருக்கோயிலுக்கு ஆண்டுக்கு ஒரு கோடிக்கும் அதிகமான பக்தர்கள் வந்து வழிபட்டுச் செல்கின்றனர். இங்குள்ள புனித இடமாகக் கருதப்படும் ராமநாதசுவாமி கோயிலுக்கு பக்தர்கள் வந்து வழிபாடு செய்து, புனிதக் கடலில் நீராடுவது வழக்கம்.
இந்நிலையில், வடக்கு ரத வீதியில் உள்ள தீர்த்த கவுண்டரில் நிழற் குடை இல்லாததால், இந்தக் கோடைக் காலத்தில் பக்தர்கள் வெயிலில் அலைக்கழிக்கப்படும் சூழ்நிலை உருவாகியுள்ளது.