ஏடிஎம் இயந்திரம் உடைப்பு: குற்றவாளிக்கு வலைவீச்சு!

ராமநாதபுரம்: சாயல்குடி அருகே இயங்கிவரும் பாரத ஸ்டேட் வங்கியின் ஏடிஎம்-ஐ அடையாளம் தெரியாத நபர்கள் உடைத்துள்ளனர். பணம் கொள்ளையடிக்கப்பட்டதா என்பது குறித்து காவல் துறையினர் விசாரணை மேற்கொண்டுவருகின்றனர்.

ராமநாதபுரம் மாவட்டம் சாயல்குடி கிழக்கு கடற்கரைச் சாலையில் பாரத ஸ்டேட் வங்கியின் ஏடிஎம் இயங்கிவருகிறது. இந்நிலையில், நள்ளிரவில் அடையாளம் தெரியாத நபர்கள் ஏடிஎம்-ஐ உடைத்துவிட்டு அங்கிருந்து சென்றுள்ளனர்.

அப்போது அவ்வழியாக ரோந்துப் பணியில் இருந்து காவல் துறையினர், ஏடிஎம் இயந்திரம் உடைந்திருப்பதைக் கண்டு அதிர்ச்சியடைந்தனர். பின்னர், இது குறித்து அப்பகுதியிலுள்ள வங்கியின் கிளை அலுவலர்களுக்குத் தகவல் தெரிவித்தனர்.

இச்சம்பவம் குறித்து வழக்குப்பதிவு செய்த காவல் துறையினர், அங்குள்ள கண்காணிப்புக் கேமராவை ஆய்வுசெய்து குற்றவாளிகளைத் தேடிவருகின்றனர். மேலும், இயந்திரத்தில் வைத்திருந்த பணம் திருடப்பட்டதா அல்லது கொள்ளை முயற்சியா என்பது குறித்து காவல் துறையினர் விசாரணை மேற்கொண்டுவருகின்றனர்.

இதையும் படிங்க:மதுரையில் பெண்ணின் தாலி செயின் பறிப்பு: கொள்ளையர்களுக்கு வலைவீச்சு