டேங்கர் லாரி மீது ஆம்னி பேருந்து மோதி விபத்து

விராலிமலையில் டேங்கர் லாரி மீது ஆம்னி பேருந்து மோதி விபத்துக்குள்ளானது. இதில் அதிர்ஷ்டவசமாக பேருந்தில் இருந்த 50 பயணிகள் உயிர் தப்பினர்.

புதுக்கோட்டை: மதுரையில் இருந்து சென்னை நோக்கி ஆம்னி பேருந்து ஒன்று 50 பயணிகளுடன் சென்றது. விராலிமலை பைபாஸ் ரோடு அருகே பேருந்து வந்தபோது, முன்னே சென்ற டேங்கர் லாரி மீது மோதி இன்று (டிச. 28) விபத்துக்குள்ளானது.

இந்த விபத்தில் அதிர்ஷ்டவசமாக பேருந்தில் இருந்த 50 பயணிகள் உயிர் தப்பினர். ஆம்னி பேருந்தில் வந்த பயணிகள் வேறு பேருந்து மூலம் அனுப்பி வைக்கப்பட்டனர்.

இதனால் மதுரை சென்னை தேசிய நெடுஞ்சாலையில் சிறிது நேரம் போக்குவரத்து பாதிக்கப்பட்டது.

அங்கு வந்த போலீசார் விபத்துக்குள்ளான வாகனங்களை அப்புறப்படுத்தி போக்குவரத்தை சரி செய்தனர்.

இந்த சம்பவம் குறித்து விராலிமலை போலீசார் வழக்குப்பதிவு செய்து விசாரணை மேற்கொண்டு வருகின்றனர்.

இதையும் படிங்க: அனைத்துத் துறைகளிலும் பெண்களின் பங்களிப்பு ஒட்டுமொத்த வளர்ச்சியை அதிகரிக்கும் - திரௌபதி முர்மு