தமிழர் அடையாளத்துக்கு எதிரான கட்சி பாஜக -ப.சிதம்பரம் தாக்கு!

புதுக்கோட்டை: பாஜக மீண்டும், ஆட்சிக்கு வந்தால், தமிழர் அடையாளங்கள் அழிந்துவிடும் என காங்கிரஸ் மூத்த தலைவர் ப.சிதம்பரம் தெரிவித்தார்.

புதுக்கோட்டை அருகேயுள்ள பேரையூரில் காங்கிரஸ் மூத்த தலைவர் ப.சிதம்பரம், சிவகங்கை மக்களவைத் தொகுதி காங்கிரஸ் வேட்பாளர் கார்த்திக் சிதம்பரத்தை ஆதரித்து பரப்புரை மேற்கொண்டார்.

அப்போது பேசிய அவர், ‘பாஜக ஆட்சிக்கு வந்தால், நாம் காலம் காலமாக காத்துவந்த குணங்கள் கெட்டுப் போய்விடும். சுயமரியாதை, முற்போக்கு கொள்கை, எம்மதமும் சம்மதம் உள்ளிட்ட தமிழர் அடையாளங்களுக்கு எதிரான கட்சி பாஜக. பாஜக போன்று செய்யமுடியாத அறிக்கைகளை காங்கிரஸ் சொல்லவில்லை. செய்ய முடிந்தவற்றைத்தான் காங்கிரஸ் சொல்லும்” என்றார்.