சாலையோரம் செத்துக் கிடந்த புள்ளிமான்; நடந்தது என்ன?

பெரம்பலூர்: அடையாளம் தெரியாத வாகனம் மோதி மூன்று வயது மதிக்கத்தக்க புள்ளிமான் உயிரிழந்தது. இது தொடர்பாக காவல்துறையினர் விசாரணை மேற்கொண்டு வருகின்றனர்.

பெரம்பலூர் அருகே திருச்சி-சென்னை தேசிய நெடுஞ்சாலையையொட்டி உள்ள நான்கு ரோடு பகுதியில் இன்று அதிகாலை மூன்று வயது மதிக்கத்தக்க ஆண் புள்ளிமான் ஓன்று சாலையை கடக்க முயன்றுள்ளது.

அப்போது, அவ்வழியே வந்த அடையாளம் தெரியாத வாகனம் மோதியதில், புள்ளிமான் சம்பவ இடத்திலேயே உயிரிழந்துள்ளது. இதனைக் கண்டு அதிர்ச்சியடைந்த அவ்வழியே சென்றவர்கள், மான் இறந்து கிடப்பது தொடர்பாக வனத்துறையினருக்கு தகவல் தெரிவித்தனர்.

இதையடுத்து, சம்பவ இடத்திற்கு வந்த அவர்கள், மானின் உடலை மீட்டு விசாரணை மேற்கொண்டு வருகின்றனர்.