பெரம்பலூர் மாவட்டத்தில் பொதுப்பணித் துறை கட்டுப்பாட்டில் 70க்கும் மேற்பட்ட ஏரிகள் உள்ளன. இதில், பெரம்பலூர் அருகே உள்ள செங்குணம் கிராமத்தில் உள்ள ஏரி, கருவேல முட்கள் சூழ்ந்து பராமரிப்பற்று இருந்து வந்தது. இந்நிலையில் தமிழ்நாடு அரசின் குடிமராமத்துத் திட்டத்தின் கீழ், செங்குன்றம் ஏரியில் இன்று குடிமராமத்துப் பணிகள் தொடங்கின.
இதற்கான பூமி பூஜை தொடக்க விழா இன்று நடைபெற்ற நிலையில், மாவட்ட ஆட்சியர் சாந்தா, குன்னம் சட்டமன்ற உறுப்பினர் ராமச்சந்திரன், பெரம்பலூர் சட்டமன்ற உறுப்பினர் தமிழ்ச்செல்வன் ஆகியோர் கலந்துகொண்டு பணிகளை தொடக்கி வைத்தனர்.