வீடு புதுப்பிக்கும் பணி : சுவர் இடிந்து விழுந்து விபத்து - இருவர் பலி

நாமக்கல்: பரமத்திவேலூர் அருகே வீடு புதுப்பிக்கும் பணியின்போது, சுவர் இடிந்து விழுந்து இரண்டு பேர் உயிரிழந்த சம்பவம் சோகத்தை ஏற்படுத்தியுள்ளது.

நாமக்கல் மாவட்டம் பரமத்திவேலூர் அருகே பொத்தனூர் மதுரை வீரன் கோவில் தெருவில் வசித்து வருபவர் கயல்விழி. இவருக்கு சொந்தமான பழைய வீட்டை புதுப்பிக்கும் பணியில் தொழிலாளர்கள் ஈடுபட்டிருந்தனர்.

அப்போது 6 அடி உயரத்திற்கு மேல் கட்டப்பட்டு இருந்த சுவர், பாரம் தாங்காமல் இடிந்து விழுந்தது. இடிபாடுகளில் 6 பேர் சிக்கிக்கொண்டனர். இதனையடுத்து அப்பகுதி மக்கள் அவர்களை மீட்டு பரமத்தி வேலூர் அரசு மருத்துவமனைக்கு அனுப்பி வைத்தனர்.

மருத்துவமனைக்கு கொண்டு செல்லும் வழியில், மாதேஸ்வரன் (50), அஞ்சலையம்மாள் (65 ) ஆகிய இருவரும் உயிரிழந்தனர். படுகாயம் அடைந்த 4 பேர், மேல்சிகிச்சைக்காக நாமக்கல் தனியார் மருத்துவமனைக்கு அனுப்பி வைக்கப்பட்டனர். இதுதொடர்பாக பரமத்திவேலூர் காவல்துறையினர் விசாரணை நடத்தி வருகின்றனர்.

இதையும் படிங்க: இங்கிலாந்தில் அதிநவீன உற்பத்தித் தொழிற்சாலை: ஏற்றுமதியில் கவனம் செலுத்தும் டிவிஎஸ் நிறுவனம்