நாமக்கல் - கரூர் எல்லை மூடல்: இ-பாஸ் இல்லாமல் வருவோருக்கு அனுமதி மறுப்பு

நாமக்கல்: கரோனா காரணமாக நாமக்கல் - கரூர் எல்லை மூடப்பட்டு, இ-பாஸ் இல்லாமல் வருவோரைக் காவல் துறையினர் திருப்பி அனுப்புகின்றனர்.

தமிழ்நாட்டில் காரோனா தொற்றைக் கட்டுக்குள் கொண்டு வர தமிழ்நாடு அரசு இன்று முதல் சில கட்டுப்பாடுகளை விதித்துள்ளது. அதில், மண்டலத்திற்குள்ளான போக்குவரத்து தடை செய்யப்பட்டு, இருசக்கர, நான்கு சக்கர வாகனங்களில் மாவட்டம் விட்டு மாவட்டம் செல்வோர் கட்டாயம் இ-பாஸ் வைத்திருக்க வேண்டும் என்று அறிவுறுத்தப்பட்டிருந்தது.

அதன்படி, நாமக்கல் - கரூர் எல்லைகள் மூடப்பட்டு பரமத்திவேலூரில் அமைக்கப்பட்டிருக்கும் மாவட்ட எல்லை சோதனைச்சாவடியில் சுகாதாரத் துறையினர், காவல் துறையினர் தீவிர கண்காணிப்பில் ஈடுபட்டுள்ளனர். இ-பாஸ் இல்லாமல் வரும் நான்கு சக்கர, இருசக்கர வாகனங்கள் திருப்பி அனுப்பப்படுகின்றன.

இதையும் படிங்க:அப்போ ராயபுரம், இப்போ அண்ணா நகர்!