மயிலாடுதுறையில் இந்தி மொழியில் விலை பட்டியல்
மயிலாடுதுறை: தமிழ்நாட்டின் பல்வேறு இடங்களில் வட மாநிலத் தொழிலாளர்கள் பல்வேறு பணிகளில் இருந்து வருகின்றனர். அந்த வகையில், மயிலாடுதுறை மாவட்டத்திலும் வடமாநிலத் தொழிலாளர்கள் மற்றும் ஜெயின் சமூகத்தினர் குறிப்பிட்ட அளவில் வசித்து வருகின்றனர்.
மேலும் மயிலாடுதுறையில் பட்டமங்கலத்தெரு, மகாதானத்தெரு உள்ளிட்ட பகுதிகளில் ஜெயின் சமூகத்தினர் வசித்து வருகின்றனர். இந்த நிலையில், கடைகளில் பொருட்களின் விலை மற்றும் பெயர் குறித்து வடமாநிலத்தவர்கள் எளிதில் புரிந்து கொண்டு காய்கறி வாங்கும் வகையில், மயிலாடுதுறை மகாதான தெருவில் உள்ள ராஜசேகர் என்பவர், அவரது காய்கறி கடையில் காய்கறிகளின் விலைப்பட்டியலில் தமிழ் மொழியுடன் சேர்த்து, இந்தி மொழியிலும் தனித்தனியாக ஸ்லேட்டில் எழுதி வைத்துள்ளார்.