நாகப்பட்டினம் மாவட்டம், வெளிப்பாளையம் அருகே உள்ள முத்துமாரியம்மன் கோவில் தெருவை சேர்ந்தவர் ராஜ்குமார் (45). இன்ஜினியராக பணியாற்றி வந்த இவர் தனது தாய் தந்தையுடன் தங்கி வந்துள்ளார். இந்நிலையில், ராஜ்குமார் வீட்டின் அருகில் இருந்து இன்று காலை முதல் துர்நாற்றம் வீசியது. இதனால் சந்தேகம் அடைந்த பொதுமக்கள் வெளிப்பாளையம் காவல் நிலையத்திற்கு தகவல் கொடுத்தனர்.
அதனைத் தொடர்ந்து சம்பவ இடத்திற்கு விரைந்து வந்த வெளிப்பாளையம் காவல்துறையினர் வீட்டின் பின்புறம் ராஜ்குமார் இறந்து அழுகிய நிலையில் சடலமாக கிடப்பதை கண்டறிந்தனர். இதனைத்தொடர்ந்து, அழுகிய நிலையில் கிடந்த ராஜ்குமாரின் சடலத்தை கைப்பற்றிய போலீசார் பிரேத பரிசோதனைக்காக நாகை அரசு மருத்துவமனைக்கு அனுப்பி வைத்தனர்.