நாகை மாவட்டம், சீர்காழி கோடங்குடி கிராமத்தைச் சேர்ந்தவர் கலியமூர்த்தி. விவசாயான இவர் பருத்தி சாகுபடி செய்திருந்தார். அந்தப் பயிரை ஆடு, மாடுகளிடம் இருந்து பாதுகாப்பதற்காக வயலைச் சுற்றி வலை அமைத்துள்ளார்.
இந்நிலையில், அந்த வலையில் சிக்கி ஐந்து வயதுடைய அரியவகை புள்ளிமான் ஒன்று உயிரிழந்ததுள்ளது. இது குறித்து, தகவலின் பேரில் வனத் துறையினர் சம்பவ இடத்திற்கு சென்று மானின் உடலை கைப்பற்றி உடற்கூறாய்வுக்காக சீர்காழி அரசு கால்நடை மருத்துவமனைக்கு அனுப்பிவைத்தனர்.
இந்த மான் கொள்ளிடம் ஆற்றுப் படுகையில் இருந்து இப்பகுதிக்கு வந்து இருக்கலாம் என கூறப்படுகிறது. மான் இறப்பு குறித்து வனத் துறையினர் தீவிர விசாரணை மேற்கொண்டுள்ளனர்.