நாகை வாக்குச்சாவடியில் அதிமுகவினர் வாக்குவாதம்!

நாகை: அரசியல் கட்சியினரின் சுவரொட்டிகளை காவல் துறையினர் கிழித்ததால் அதிமுகவினர் வாக்குவாதத்தில் ஈடுபட்டனர்.

நாகப்பட்டினம், கீழ்வேளூர், திருமருகல், செம்பனார்கோவில், சீர்காழி, கொள்ளிடம் ஊராட்சி ஒன்றியங்களில் காலை 7 மணிக்கு வாக்குப்பதிவு தொடங்கி நடைபெற்று வருகிறது.

இந்த நிலையில் அக்கரைப்பேட்டை ஊராட்சி ஒன்றிய தொடக்கப்பள்ளியில் வாக்குச்சாவடி மையத்தின் அருகாமையில் ஒட்டப்பட்டிருந்த அரசியல் கட்சியினரின் சுவரொட்டிகளை கிழித்து காவல் துறையினர் அப்புறப்படுத்தினர்.

இதனைக் கண்ட அதிமுகவினர் சுவரொட்டிகளை கிழித்த காவல் துறையினரிடம் வாக்குவாதத்தில் ஈடுபட்டனர். தொடர்ந்து வாக்குச்சாவடி மையத்தின் அருகே வாக்குவாதத்தில் ஈடுபட்டவர்களை காவல் துறையினர் அப்புறப்படுத்தினர்.

இதையும் படிங்க: