மயிலாடுதுறை:கோவையில் கடந்த மாதம் நிகழ்ந்த கார் குண்டு வெடிப்பு சம்பவம் பெரும் பரபரப்பை ஏற்படுத்தியது. சம்பவம் தொடர்பாக விசாரணை நடத்திய தேசிய புலனாய்வுத் துறை அதிகாரிகள் முதற்கட்டமாக 6 பேரை உபா பயங்கரவாத தடுப்புச் சட்டத்தின் கீழ் கைது செய்தனர். மேலும் முக்கிய ஆவணங்களை கைப்பற்றி விசாரித்து வருகின்றனர்.
இந்நிலையில் இன்று அதிகாலை முதலே தமிழகத்தின் பல்வேறு பகுதிகளில் என்.ஐ.ஏ. அதிகாரிகள் தொடர் சோதனையில் ஈடுபட்டு வருகின்றனர். இதன் ஒரு பகுதியாக மயிலாதுறை மாவட்டம் சீர்காழி அடுத்த திருமுல்லைவாசல் பகுதியில் உள்ள அல் பாஷித் என்பவர் வீட்டில் அதிகாலை முதலே என்.ஐ.ஏ. அதிகாரிகள் சோதனை மேற்கொண்டு உள்ளனர்.