வளிமண்டல மேலடுக்கு சுழற்சி காரணமாக கடந்த சில நாள்களாக நாகப்பட்டினம், மயிலாடுதுறை மாவட்டங்களில் தொடர்ந்து மழை பெய்துவருகிறது. மயிலாடுதுறை மாவட்டத்தில் தரங்கம்பாடி பொறையாறு, திருக்கடையூர், செம்பனார்கோயில், சந்திரபாடி, கழனிவாசல் உள்ளிட்ட சுற்றுவட்டார பகுதியில் தொடர்ந்து கனமழை பெய்து வருகிறது.
வீடுகள் சேதம்
இந்த மழையின் காரணமாக பொறையாறு குடியிருப்பு பகுதியில் வெள்ள நீர் சூழ்ந்தது. சின்னசாமி நாயக்கர் தெருவில் ஓட்டு வீடு இடிந்து விழுந்து சேதமானது. சாலைகளில் மழைநீர் சூழ்ந்துள்ளது. இதைத் தொடர்ந்து தரங்கம்பாடி பேரூராட்சி நிர்வாகத்தினர் மழை நீரை வெளியேற்றும் முயற்சியில் ஈடுபட்டு வருகின்றனர்.
தொடர்ந்து பெய்யும் மழையால் தரங்கம்பாடி தாலுக்கா பகுதியில் 35 வீடுகள் சேதமடைந்துள்ளன. 6 கால்நடைகள் உயிரிழந்துள்ளன.
இதையும் படிங்க:தொடர் மழை எதிரொலி: மதுரை மல்லிகை விலை உயர்வு