வெளி மாவட்டங்களிலிருந்து வந்தவர்களுக்கு கரோனா சோதனை!

நாகை: வெளி மாவட்டங்களிலிருந்து வந்த 197 பேருக்கு ரத்த மாதிரிகள் எடுக்கப்பட்டு கரோனா பரிசோதனைக்காக அனுப்பப்பட்டுள்ளது.

கரோனா வைரஸ் தொற்று சென்னை முழுவதும் தீவிரமாக பரவ தொடங்கியுள்ளதால், அங்கிருந்து தமிழ்நாட்டின் பிற பகுதிகளுக்கு சென்றவர்கள் தீவிர கண்காணிப்பின் கீழ் கொண்டு வரப்பட்டுள்ளனர்.

இதேபோல் சென்னை உள்ளிட்ட வெளிமாவட்டத்திலிருந்து நாகைக்கு வந்த 197 பேரின் சளி, ரத்த மாதிரி சேகரிக்கப்பட்டு கரோனா வைரஸ் பரிசோதனைக்கு திருவாரூர் அரசு மருத்துவக் கல்லூரி மருத்துவமனைக்கு அனுப்பி வைக்கப்பட்டுள்ளது.

அதுமட்டுமின்றி அந்த 197 பேரும் கடந்த மூன்று நாள்களாக மருத்துவ கண்காணிப்பில் தனிமைப்படுத்தப்பட்டு, நாகை, மயிலாடுதுறை உள்ளிட்ட மூன்று முகாம்களில் தற்போது தனிமைப்படுத்தப்பட்டுள்ளனர்.

இதையும் படிங்க...சென்னையில் தீவிரம் காட்டும் கரோனா: ஐடி, தொழில் நிறுவனங்கள், கட்டுமானம், கடைகள் திறப்பது குறித்த நிபந்தனை என்ன?