மயிலாடுதுறை மாவட்டம் சீர்காழி அகரதிருகோலக்கா தெருவில் 300க்கும் மேற்பட்ட குடும்பத்தினர் வசித்து வருகின்றனர். இப்பகுதியில் வீடு வீடாக சென்று வாக்காளர்களுக்கு பணம் கொடுக்கப்படுவதாக தேர்தல் பறக்கும் படையினருக்கு தகவல் கிடைத்தது.
இதனையடுத்து, தேர்தல் பறக்கும் படை அதிகாரி சிவாஜி தலைமையிலான குழுவினர், அப்பகுதியில் சோதனை மேற்கொண்டனர். அப்போது, அதே பகுதியைச் சேர்ந்த திமுக வார்டு பிரதிநிதி ராஜகௌதமன் மற்றும் விசிக நிர்வாகி மணிமாறன் ஆகிய இருவரும் வாக்காளர்களுக்கு பணம் விநியோகித்தது தெரியவந்தது.