தருமபுரம் ஆதீன பல்லக்கு தூக்கும் நிகழ்ச்சி கோலாகலம்

மயிலாடுதுறை தருமபுரம் ஆதினத்தின் பட்டினப் பிரவேச விழாவின் முக்கிய நிகழ்ச்சியான சிவிகை பல்லக்கு தூக்கும் நிகழ்ச்சி கோலாகலமாக நடைபெற்றுவருகிறது.

மயிலாடுதுறை:தருமபுரம்ஆதினத்தின் பட்டினப் பிரவேச விழாவின் முக்கிய நிகழ்ச்சியான சிவிகை பல்லக்கு தூக்கும் நிகழ்ச்சி தொடங்கியது. தருமபுரம் ஆதீன 27ஆவது குருமகா சன்னிதானம் ஸ்ரீலஸ்ரீ மாசிலாமணி தேசிக ஞானசம்பந்த பரமாசாரிய சுவாமிகள் பல்லக்கில் அமர்ந்தார்.

பக்தர்கள் பல்லாக்கை சுமந்து நான்கு ரத வீதியில் உலா செல்கின்றனர். முன்னதாக, மயிலாட்டம், ஒயிலாட்டம், கரகாட்டம், பொய்க்கால் குதிரை ஆட்டம், புளியாட்டாம், கிராமிய கலை நிகழ்ச்சி மற்றும் பக்கதர்கள் புடைசூழ தருமபுரம் ஆதீனம் பல்லக்கில் அமர்ந்தார்.

இந்த நிகழ்ச்சியில் மதுரை ஆதினம், சூரியனார்கோயில் ஆதீனம், செங்கோல் ஆதீனம், துழாவூர் ஆதினம் உள்ளிட்ட பல்வேறு ஆதினங்கள் மற்றும் பாஜக மாநில தலைவர் அண்ணாமலை, பாஜக மூத்த நிர்வாகி ஹெச்.ராஜா, பாஜக மாநில துணை தலைவர் கருப்பு முருகானந்தம் ஆகியோர் கலந்துகொண்டனர். சுமார் 5ஆயிரத்திற்கும் மேற்பட்ட பக்தர்கள் பங்கேற்றுள்ள இந்நிகழ்வில் பலத்த போலீஸ் பாதுகாப்பு போடப்பட்டுள்ளது.

இதையும் படிங்க:சார்தாம் யாத்திரை: இதுவரை 57 பக்தர்கள் உயிரிழப்பு