இளைஞர் வெட்டிக் கொலை - அடையாளம் தெரியாத கும்பலுக்கு போலீஸ் வலை

மதுரை: திருப்பரங்குன்றம் அருகே இருசக்கர வாகனத்தில் சென்று கொண்டிருந்த இளைஞரை, காரில் வந்த அடையாளம் தெரியாத கும்பல் வெட்டிக் கொலை செய்த சம்பவம் பரபரப்பை ஏற்படுத்தியுள்ளது.

மதுரை மாவட்டம் திருப்பரங்குன்றம் அருகே இளைஞர் ஒருவர் தனது இருசக்கர வாகனத்தில் சென்றார். அப்போது அவ்வழியாக காரில் வந்த அடையாளம் தெரியாத கும்பல், இளைஞரை கத்தி உள்ளிட்ட ஆயுதங்களால் சரமாரியாக தாக்கியது.

இதில் படுகாயமடைந்த இளைஞர் சம்பவ இடத்திலேயே உயிரிழந்தார். தகவலறிந்து சம்பவ இடத்திற்கு வந்த காவல்துறையினர், வழக்குப் பதிவு செய்து இளைஞரின் உடலை உடற்கூறாய்வுக்காக மதுரை அரசு மருத்துவமனைக்கு அனுப்பி வைத்தனர்.

இது குறித்து காவல்துறையினர் மேற்கொண்ட முதல்கட்ட விசாரணையில், இறந்த இளைஞர் வெள்ளகல் பகுதியைச் சேர்ந்த சுப்ரமணி என்பது தெரியவந்துள்ளது. இதையடுத்து, கொலையில் தொடர்புடைய அடையாளம் தெரியாத கும்பலை பிடிக்கும் பணியில் காவல்துறையினர் ஈடுபட்டு வருகின்றனர்.

இதையும் படிங்க:முன்விரோதம் காரணமாக ஓட்டுநர் கொலை: இளைஞருக்கு போலீஸ் வலை