மதுபோதையில் பயணம்: தென்னை மரத்தில் பைக் மோதி 2 பேர் மரணம்

மதுரை: மதுபோதையில் சாலையோரம் இருந்த தென்னை மரத்தின் மீது மோதி, இருசக்கர வாகனத்தில் சென்ற இருவர் சம்பவ இடத்திலேயே உயிரிழந்தனர். இருவர் படுகாயமடைந்தனர்.

மதுரை மாவட்டம் வாடிப்பட்டி பகுதியைச் சேர்ந்தவர்கள் சசிகுமார், பாலமுருகன், சந்தன கருப்பு, நவீன் சங்கர். நண்பர்களான இவர்கள் நால்வரும் அலங்கநல்லூர் பகுதியில் உள்ள மதுக்கடையில் மது அருந்திவிட்டு, ஒரே இருசக்கர வாகனத்தில் அதிவேகமாக வந்துள்ளனர்.

அப்போது எதிர்பாராதவிதமாக கொண்டையம்பட்டி பகுதியில் வந்தபோது சாலையோரம் இருந்த தென்னை மரத்தில் மோதி நான்கு பேரும் தூக்கி வீசப்பட்டனர். இதில் சம்பவ இடத்திலேயே சசிகுமார், பாலமுருகன் உயிரிழந்தனர்.

படுகாயமடைந்த சந்தன கருப்பு, நவீன் சங்கர் ஆகிய இருவரையும் மீட்டு அப்பகுதி மக்கள் அரசு இராசாசி மருத்துவமனைக்கு அனுப்பிவைத்தனர். இறந்தவரின் உடலைக் கைப்பற்றிய அலங்காநல்லூர் காவல் துறையினர், இச்சம்பவம் தொடர்பாக வழக்குப்பதிவு செய்து விசாரணை நடத்திவருகிறார்கள்.

இதையும் படிங்க: வேலியில் சிக்கி காயமடைந்த கண்ணாடி விரியன் பாம்பு மீட்பு!