பட்டப்பகலில் சமூக சேவகர் கல்லால் அடித்து கொலை!

மதுரை: தானாக முன்வந்து போக்குவரத்தை ஒழுங்கு செய்யும் பணியில் ஈடுபட்ட சமூக சேவகரை லோடு ஆட்டோ ஓட்டுநர் கல்லால் அடித்து கொலை செய்தது அதிர்ச்சியை ஏற்படுத்தியது.

மதுரை முனிச்சாலை சந்திப்பு அருகே போக்குவரத்து நெரிசல் எப்போதும் காணப்படும். ஆகையால் திருநகர் பகுதியைச் சேர்ந்த கணேசன் என்பவர் தானாக முன்வந்து போக்குவரத்தை ஒழுங்கு செய்யும் பணியில் ஈடுபட்டு வந்துள்ளார்.

இந்நிலையில் அதன் வழியாக மதுபோதையில் லோடு ஆட்டோ ஓட்டி வந்த சுப்ரமணி என்பவர் போக்குவரத்தை ஒழுங்கு செய்து கொண்டிருந்த கணேசனுடன் தகராறு செய்து அவரை கல்லால் தாக்கி உள்ளார்.

இதில் படுகாயமடைந்த கணேசன் மதுரை அரசு ராஜாஜி மருத்துவமனையில் சிகிச்சை அளித்த நிலையில் சிகிச்சை பலனின்றி உயிரிழந்தார்.

இதனையடுத்து, ஆட்டோ ஓட்டுனர் சுப்ரமணியனை காவல்துறையினர் கைது செய்து மதுரை மத்திய சிறையில் அடைத்தனர்