மதுரை:மதுரை மாவட்டம், அழகுசிறை பகுதியில் அனுசியா, வெள்ளையப்பன் என்பவருக்குச் சொந்தமாக செயல்படும் VBM பட்டாசு ஆலையில் திடீர் தீ விபத்து ஏற்பட்டது. பட்டாசு ஆலையின் 2 வெடி மருந்து கிடங்குகளில் இருந்த பணியாளர்கள் 5 பேர் உடல் கருகி பரிதாபமாக உயிரிழந்தனர். படுகாயங்களுடன் மீட்கப்பட்ட 10க்கும் மேற்பட்டோர் தொடர் சிகிச்சையில் உள்ளனர்.
பட்டாசு ஆலை விபத்தில் உயிரிழந்தோரின் குடும்பத்துக்கு ஆளுநர் ஆர்.என்.ரவி இரங்கல் தெரிவித்துள்ளார்.இதுகுறித்து அவர் வெளியிட்டுள்ள இரங்கல் குறிப்பில், 'மதுரை பட்டாசு ஆலையில் ஏற்பட்ட தீ விபத்தில் மதிப்புமிக்க உயிர்களை இழந்தவர்களின் குடும்பங்களுக்கு ஆழ்ந்த இரங்கலைத் தெரிவித்துக்கொள்கிறேன். மேலும் விபத்தில் காயமடைந்தவர்கள் விரைவில் குணமடைய பிரார்த்திக்கிறேன்' என ஆளுநர் தெரிவித்ததாக ராஜ்பவன் மாளிகை ட்விட்டர் பக்கம் தெரிவித்துள்ளது.