மதுரையிலிருந்து தெலங்கானா மாநிலம், செகந்திராபாத் நகருக்கும் தெலங்கானா மாநிலம், ஹைதராபாத்தில் இருந்து மதுரைக்கும் கோடைக்கால சிறப்பு ரயில்கள் இயக்க தெற்கு மத்திய ரயில்வே ஏற்பாடு செய்துள்ளது. தெலங்கானா மாநிலத்தில் ஹைதராபாத் மற்றும் செகந்திராபாத் இரட்டை நகரங்களுக்கு இடையே உள்ள தூரம் 7 கிலோமீட்டர் மட்டுமே.
அதன்படி ஹைதராபாத் - மதுரை சிறப்பு ரயில் (07253) ஹைதராபாத்தில் இருந்து மே 19ஆம் தேதி வியாழக்கிழமை அன்று பகல் 03.50 மணிக்கு புறப்பட்டு மறுநாள் வெள்ளிக்கிழமை மதியம் 02.40 மணிக்கு மதுரை வந்து சேரும்.
அதேபோல மறு மார்க்கத்தில் மதுரையில் இருந்து செகந்திராபாத்துக்குச் செல்லும் சிறப்பு ரயில் (07254) மே மாதம் 20ஆம் தேதி வெள்ளிக்கிழமை அன்று மாலை 05.40 மணியளவில் புறப்பட்டு, மறுநாள் சனிக்கிழமை மாலை 04.00 மணிக்கு மதுரை வந்து சேரும்.