மதுரை: சோழவந்தான் அருகே உள்ள மண்ணாடிமங்கலம் கிராமத்தைச் சேர்ந்தவர், கிருஷ்ணன். இவர் பாரத பிரதமர் குடியிருப்புத் திட்டத்தின் கீழ் வீடு கட்டுவதற்காக, வாடிப்பட்டி வட்டார வளர்ச்சி அலுவலகத்தில் விண்ணப்பம் செய்திருந்தார். இதற்கு ஒப்புதல் அளிக்கப்பட்ட நிலையில், அவரது மனைவி அன்னலட்சுமி மாவட்ட ஆட்சியரிடம் புகார் மனு ஒன்றினை அளித்தார்.
இதுகுறித்து அன்னலட்சுமி கூறுகையில், “கட்டுமானப் பணி தொடங்கும் முன்பே எனது கணவர் இறந்து விட்டார். அவர் உயிரோடு இருக்கும்போது, இதற்காக மண்ணாமடிமங்கலம் ஊராட்சி செயலாளர் செந்தில் என்பவரிடம் 30,000 ரூபாய் லஞ்சமாக வழங்கியிருப்பதாக என்னிடம் கூறியிருந்தார்.
இதனிடையே வீடு கட்டுவதற்காக ஊராட்சி செயலரை அணுகியபோது, என்னுடைய கணவர் பணம் எதுவும் தரவில்லை எனக்கூறி, எனது வீட்டிற்கே வந்து மேலும் 20,000 பணத்தையும் பெற்று சென்றார். இதனையடுத்து கடந்த 2022, செப்.21ஆம் தேதி 30 மூட்டை சிமெண்ட்டும், பிறகு டிச.20ஆம் தேதி 40 மூட்டை சிமெண்ட்டும் வழங்கப்பட்டது.