மதுரை செல்லூரைச் சேர்ந்த அசோக் உயர் நீதிமன்ற மதுரைக் கிளையில் மனு ஒன்றைத் தாக்கல்செய்துள்ளார். அதில், "எனது மனைவி விசாலாட்சி, இரண்டு வயது மகள் துர்காஸ்ரீ . இவர்கள் இருவரும் 2017ஆம் ஆண்டு டிசம்பர் மாதத்தில் தல்லாகுளம் உலகத் தமிழ்ச்சங்க கட்டடத்திற்குப் பின்புறம் அமைந்துள்ள எனது மாமனார் வீட்டிற்குச் சென்றிருந்தனர்.
அப்போது உலகத் தமிழ்ச்சங்க கட்டடப் பணிகள் நடைபெற்றுக்கொண்டிருந்தன. இப்பகுதியில் குடியிருப்பவர்களைக் கருத்தில்கொள்ளாமல், கட்டட வேலை பார்த்தவர்கள் மின்சார வயரை தாழ்வாக அமைத்திருந்தனர்.
இப்பகுதியில் விளையாடிக்கொண்டிருந்த எனது மகள் துர்காஸ்ரீ, மின் வயரைத் தொட்டு மின்சாரம் பாய்ந்ததில் பலத்த காயமடைந்தாள். சத்தம் கேட்டு அவரைக் காப்பாற்ற சென்ற எனது மனைவி விசாலாட்சி, எனது மனைவியின் மூத்த சகோதரி மகன் ராமர் என்ற 10 வயது சிறுவன் ஆகியோர் மீதும் மின்சாரம் பாய்ந்தது.