ஒசூர் நகரின் மையப்பகுதியில் அமைந்துள்ள பழமையான ராமநாயக்கன் ஏரியில் நீர் ஆதாரத்தை பெருக்கும் வகையில், அரசின் செலவில் கெலவரப்பள்ளி அணையிலிருந்து தண்ணீர் கொண்டுவரப்பட்டதில் முறைகேடு நடைபெற்றதாக கிருஷ்ணகிரி மக்களவை உறுப்பினர் குற்றஞ்சாட்டை முன்வைத்துள்ளார்.
இதற்கிடையில், ஜுலை 2ஆம் தேதி, செல்லகுமார் உண்ணாவிரதம் இருக்க ஒசூர் மாநகராட்சி அலுவலகத்திற்கு வந்தார். ஆனால் உண்ணாவிரத்திற்கு காவல்துறையினர் அனுமதி வழங்கவில்லை.
இதைத்தொடர்ந்து செய்தியாளர்களை சந்தித்த அவர், "ராமநாயக்கன் ஏரியில் ஒரு கோடி ரூபாய் செலவில் நிரப்பப்பட்ட 10 லட்சத்து 850 கிலோ லிட்டர் தண்ணீர் எங்கே சென்றது. இந்தத் தண்ணீரை 20 கோடி ரூபாய்க்கு அலுவலர்கள் விற்றார்களா" என கேள்வி எழுப்பினார். "அப்படி இல்லை என்றால் அந்த தண்ணீர் எங்கே என அதிகாரிகள் விளக்கம் அளிக்க வேண்டும்" எனத் தெரிவித்தார்.
மக்களவை உறுப்பினர் செல்லகுமார் பேட்டி