250க்கும் மேற்பட்ட திமுகவினர் அதிமுகவில் இணைந்தனர்

கிருஷ்ணகிரி: ஓசூரில் திமுக சிறுபான்மைப் பிரிவின் ஒன்றியச் செயலாளர் உள்பட 250-க்கும் மேற்பட்ட திமுகவினர் அதிமுகவில் இணைந்தனர்.

கிருஷ்ணகிரி மேற்கு மாவட்ட அதிமுக அலுவலகத்தில், திமுகவினர் அதிமுகவில் இணையும் நிகழ்ச்சி நடைபெற்றது.

திமுகவின் ஓசூர் ஒன்றிய சிறுபான்மைப் பிரிவு செயலாளர் முனிர் அகமது தலைமையில் 250-க்கும் மேற்பட்டோர் திமுகவிலிருந்து விலகி மாவட்டச் செயலாளரும் முன்னாள் அமைச்சருமான பாலகிருஷ்ணா ரெட்டி முன்னிலையில் தங்களை அதிமுகவில் இணைத்துக் கொண்டனர்.

புதியதாக அதிமுகவில் இணைந்தவர்களுக்கு பாலகிருஷ்ணா ரெட்டி சால்வை அணிவித்து வாழ்த்துகளைத் தெரிவித்தார்.

இதையும் படிங்க:முதலமைச்சர் முன்னிலையில் அதிமுகவில் இணைந்த மாற்றுக் கட்சியினர்!