பொங்கல் பண்டிகைக்கு இன்னும் சில நாட்களே இருப்பதால், கிருஷ்ணகிரி மாவட்டம் குந்தாரப்பள்ளி வாரச்சந்தையில் 10 ஆயிரத்திற்கும் மேற்பட்ட ஆடுகளை விவசாயிகள் விற்பனைக்காக கொண்டு வந்துள்ளனர். ஆடுகளை வாங்குவதற்காக கிருஷ்ணகிரி, தருமபுரி, சேலம் மதுரை மற்றும் ஆந்திரா, கர்நாடகா, கேரளா உள்ளிட்ட வெளி மாநிலங்களிலிருந்தும் வியாபாரிகள் குவிந்தனர்.
பண்டிகை காலங்களில் மட்டுமே ஆடுகளுக்கான மவுசு குறையாமல் இருப்பதால் ஆடு ஒன்று 4 ஆயிரம் ரூபாய்க்குத் தொடங்கி 14 ஆயிரம் ரூபாய் வரை விற்பனையாகியுள்ளது. 10 கிலோ எடை கொண்ட ஆட்டை 4 ஆயிரம் ரூபாய்க்கு விற்பனை செய்வதாக வியாபாரிகள் தெரிவித்தனர். பொங்கல் பண்டிகை முடிந்து மறுநாள் கரிநாள் என்பதால் சந்தையில் இன்று ஆடு வியாபாரம் விறுவிறுப்பாக இருந்தது.
குந்தாரப்பள்ளி ஆட்டுச் சந்தை